صفویلر

صفویلر : تورکجه تورکجه

[اؤزل آد]صفوی‏لر شیخ¬صفی¬الدین‘ین اوْلاد لاریدیر، شیخ¬صفی م1252ده و ایلخانلیلارین زامانیندا اردبیل‏ده آنادان اوْلوب و طریقت شیخی اوْلوب و82 یاشیندا م1334ده وفات ائتمیشدیر، شیخ¬صفی¬الدین‘ین اوْغلو صدر الدین، نوه‏سی خواجه علی و نتیجه‏سی ابراهیم و اوْنون اوغلو جُنید (جوْنئید) طریقت بؤیوگو اوْلاراق شیعه مذهبی‏نی آذربایجاندا یایماغا باشلادی، جنیددن سونرا اوْغلو حیدر و سوْنرا حیدرین اوْغلو اسماعیل بیلگین شخصلر ایدی، اسماعیل آغ قویونلو سارایینداکی چکیشمه‏لردن استفاده ائدیب و سلطان بایزیدن ضعفیندن فایدالاناراق 5000 سلاحلی مریدلریله¬شیروانشاهی مغلوب ائتدی و نخجواندا آغ قویونلو حؤکمرانی الوندبگ‏له قارشیلاشیب اوْنودا مغلوب ائتدیب تبریزه گلدی و 12 امام آدینا خطبه اوْخوماسینا فرمان وئردی، شاه اسماعیل اوْن ایل مدتینده فرات دان جیحون چایینا قدر بوتون یئرلری اؤزونه تابع ائتدی، شاه¬اسماعیل قیزیلباش اوْردوسونو قوردو و عثمانلی امپراتورو سلطان سلیم‏له چالدران‏دا ساواشدی و مغلوب¬اوْلدو(م1514)اوْ بؤیوک¬توٌرک شاعرایدی، تورکجه فارسجا شعرلرینده ختایی تخلّصو وارایدی، بو دؤورده خلق داستانلاری عاشقلار طرفیندن دوٌزَلدی و شیعه مذهبی رسمی مذهب اوْلاراق اعلان ائدیلدی، شاه اسماعیل م1525ده‏ سلّ خسته‏لیگیندن اؤلدو سوْنرا اوْغلو شاه طهماسب 40 ایل حکومت سوردو و قزوینی باشکند ائتدی، سوْنرا شاه عابباس اصفهانی پایتخت ائله دی و بو دؤنمدن سوْنرا صفوی‏لر قهقرایی دؤره‏یه کئچدیلر