Multilingual Turkish Dictionary

آرارات

آرارات : تورکجه تورکجه

[اؤزل آد]آرارات سؤزو ایندیکی شکیلده ظاهراً گئچمیشدن فرقلی اوْلاراق ایلک دفعه ارمنی¬لر طرفیندن آغری داغ اوٌچون دئییلدی (گئچن عصر)، ارمنی¬لر بوُ آدی اوُرارتو قوْومونون آدیندن آلمیشدیلار، البتده بوُ تصورلاکی اوْرارتولار ارمنی¬لرین آتاباباسی ایدیلار، سوْنراکی¬ قازینتی و آراشدیرما سوْنوجلاری¬ثبوت ائتدیکی ارمنی¬لر بیلگی¬سیزلیک اوٌزوندن یانلیشلیغا دوٌشوبلر و اوْرارتولار ارمنی دیللی یوْخ بلکه التصاقی دیللی اوْلاراق توٌرک بوْیلاریلا اقربادیر، هرحالدا بوُ یانلیش آدقویما سوْنوجو بیر چوْخ کسیم و اؤزللیکله غیر توٌرکلر بوُ داغا آرارات دئییرلر، حالبوکی آغری داغ بوُ داغین دوٌزگون و تاریخی آدیدیر، تاریخی لاحاظدان یئر آدی اوْلاراق بوکلمه سومر کتیبه‏لرینده «آراتتا، آراتته» شکلینده ایشله¬نیب و اوْرارتولارین قالدیغی یئرلری گوستریر، آرارات سؤزونده ایکی اؤنملی سؤزجوک، «آری، آریت» (تمیز وپاک) سؤزو و تاو= تاغ= داغ سؤزلریدیر، چونکو بوکلمه آراتتا شکلینده ده قید اوْلونوب و بوکلمه ده «تا» سؤزو داغ سؤزونو آنلادیر و نتیجه ده «آریت¬تا» کلمه‏لری قوتسال ومقدس داغ سؤزو دئمکدیر، و آری داغ سؤزو آغری داغ سؤزونونده کؤکو گؤرونور (آرارات‹آراتتا ‹آریت تا› آری¬تا› آری¬داغ› آغری داغ؛ دقّت اوْلونمالیدیر آغری سؤزو تانری کلمه سینین وزنینده اوْلاراق آغ سؤزیله ایلگیلیدیر و بورادا آغری/درد معناسیندا ایشلنمیر)، البته بعضی قایناقلاردا بو کلمه‏نی آرت (آرد:داغ بئلی) ایله ایلگی‏لی بیلیللر، بونادا اشاره ائتمکده فایدا وارکی تورکجه ده بوکلمه یه بنزر چوخلو کلمه‏لری گؤرمک اولار «آلتای، آلاتاو، آلاداغ. »، بو داغ قوْشا زیروه¬لی اوْلاراق اوجالیغی 5165 و 3916متردیر (بؤیوک و بالاجا آغری داغی) و تورات کتابی‏نین دئدیگینه گؤره حضرت نوح پیغمبرین گمی‏سی بو داغدا توْپراغا اوْتوروبدور 47،26،97،بورادا بیر حادثه¬یه¬ده اشاره¬ده یارار واردیر «علّامه قزوینی یازیر: بوگون (1350شعبان‘ین11ی)مینورسکی¬ایله حدودالعالم کتابینی اوْخویارکن حارثha`ris سؤزونه یئتیشدیک، مینورسکی دئدی، بو اصلینده حارارات اوْلمالیدیر و دَییشه¬رک حارث اوْلوبدور و یانینداکی داغدا حُوَیرَت یعنی کیچیک حارث دئییلیبدیر!
99»