Multilingual Turkish Dictionary تورکجه تورکجه

دوٌشکون‏لر ائوی(یوردو) : تورکجه تورکجه

[آد]چالیشما گوجونو ایتیرن کیمسه‏لرین ساخلاندیغی یئر (فا:آسایشگاه). hospice

دوٌشله‏مک : تورکجه تورکجه

[تاثیرلی ائیلم]بیر اتفاقی، ایشی، شئیی ویا کیمسه‏نی ذهنده اوْلدوغو کیمی جانلاندیرماق

[تاثیرسیز ائیلم]
اؤزآغیرلیق¬ایله یوخاری¬دان آشاغی¬یا یؤنَلمک، ییخیلماق «آغاج دان دوٌشمک، پالتار اَینیندن دوٌشور» (فا:افتادن). to fall
آشاغی یا یئنمک «آتدان یئره دوٌشدو» (فا:پیاده شدن).
بیر شئیین اوٌستونه ساریلاراق یالوارماق و استغاثه ائله‏مک «آیاغینا دوٌشدو».
سریلمک، سره‏لنمک، اوُزاناراق سره‏لنمک «بؤیرو اوٌسته دوٌشوب یاتدی».
بیرینین دالی‏سیجا گئتمک (دال و آرد، آرخا، ایره‏لی کیمی کلمه‏لرله بیرلیکده) «دالیسیجا دوٌشوب گئتدی».
یئریندن قوْپوب دوشمک «دیرناغی دوٌشمک».
اوْتوراق ائله-مک، قوْناق اوْلماق، یئتیشمک و چاتاراق یئرلشمک، واقع اوْلماق و قرار تاپماق «قوْشون دوٌزلوکده دوٌشدو».
یاغماق، ساچماق، یاییلماق و یئنمک «داغلارا قار دوٌشوبدو، شایعه دوٌشمک».
پایلاشما و بؤلوشمه سوْنوجو بیر یئره و شئیه عاید اوْلماق و بیر یئرده قرار تاپماق، بیر شئیین و یئرین ایچینده قرار تاپماق «عسگرلیک دؤنَمی زنگانا دوٌشدو، تله‏یه دوٌشمک، حبسه دوٌشمک».
بیر دؤنم باشلاماق، بیر حادثه اوٌز وئرمک و باشلاماق «قیش دوٌشدو، قوُزو اوْتا دوٌشوبدور».
آزالماق، دَیری دوٌشمک، ایتیرمک، محروم اوْلاراق دَیری‏نی ایتیرمک «ایستی‏نین شدّتی دوٌشدو، دَیری دوٌشدو».
تاب‏سیز اوْلماق، اوٌزولمک، کئییمک و طاقتی¬نی ایتیرمک «بالتا ووُرماقدان قوْلاریم دوٌشدو».
راست گلمک، بختینه چیخماق «ایشیم دوٌشدو گلدیم».
یاراماق، خئیری اوْلماق، اوُیقون اوْلماق «بوُ درمان خسته‏یه دوٌشور».
اوٌزه رینده یوٌک اوْلماق، یوٌک لنمک، اوٌزه رینده قالماق «بوُ ایش منیم بوْینوما دوٌشدو».
هر هانسی بیر وضعیتین ایچَری‏سینده قرار تاپماق، اوُغراماق، دوُچار اوْلماق «بلایا دوٌشمک».
آوارا و سرگردان اوْلماق «کوٌچه‏لره دوٌشمک».
بیر ایلگی و سئوگیه دوٌشمک، بیر حسّه قاپیلماق «عشقه دوٌشمک».
الینه و چنگینه دوٌشمک «بیر اَلیمه دوٌشَیدی».
دوٌشکون وضعیتده اوْلماق «آتان نئجه دی چوْخ دوٌشمه ییبدیر؟».
ساتاشماق، دَیمک، گؤرمک (گؤز کلمه سیله) «گؤزو اوْ آداما دوٌشدو».
بوُ کلمه «دوٌشدوکجه، دوٌشنده، دوٌشسه» شکلینده ایشله‏نیرسه «راست گلدیکجه» مفهوموندا معنا وئریر «دوٌشدوکجه گئدَرم»، نه دوٌشوب، نه دوٌشوبکی شکلینده نه دخلی وار معناسیندا ایشله‏نیر «سنه نه دوٌشوبکی بوُ سؤزلری دانیشیرسان».
بیر سیرا کلمه‏لرله مختلف افاده‏لی مُرکب سؤزلر دوٌزَلدیر «گؤزو دوٌشمک: گؤزو ساتاشماق، اوٌره‏یی دوٌشمک: قوْرخماق، چتین‏لیگه دوٌشمک، برکه دوٌشمک، ال آیاغا دوٌشمک: تلَسیگه دوٌشمک». { دیوان لغات تورک ده ایشله نیبدیر، سنگلاخ سؤزلویونده ایشله نیبدیر}

دوٌشمن : تورکجه تورکجه

[آد،فا]یاغی، بیرینه کسین قارشی اوْلان؛ قارشی آنلامی،دوْست،یوْلداش(فا:إ)enemy{باخ:توُش}

دوٌشمن چیلیک : تورکجه تورکجه

[باخ]دوٌشمن‏لیک

دوٌشمن گؤزیله باخماق : تورکجه تورکجه

[تاثیرسیز ائیلم]اؤزونه دوٌشمن حساب ائتمک

دوٌشمنانه : تورکجه تورکجه

[ظ،فا]دوشمن جه (فا:دشمنانه)

دوٌشمنجه(‏سینه) : تورکجه تورکجه

[ظرف]دوٌشمن کیمی

دوٌشمن‏لیک : تورکجه تورکجه

[آد]یاغی‏لیک، بیربیرینین علیه اینه اوْلما

دوٌشمه : تورکجه تورکجه

[آد]
دوٌشمک¬ایشی.
تصادفی، دوٌشه‏رک

دوٌشمه‏لی : تورکجه تورکجه

[صفت]دوٌشمک اوٌچون یارارلی «دوٌشمه‏لی بیر یئر، بورادا دوٌشمه‏لی و دینجَلمه‏لی بیر ائو وار»

دوٌشنبه : تورکجه تورکجه

[باخ]دوْشنبه

دوٌشنده : تورکجه تورکجه

[ظرف]راست¬گلدیکجه (فا:عندالفرصت). at leisure

دوٌشورگو : تورکجه تورکجه

[آد،ت]چایین ایرماغا قوْووُشان آغزی، دییرمانین بیر چایا آچیلان یئری

دوٌشورگون : تورکجه تورکجه

[آد،ت]کیتره آغاشجیغی

دوٌشونگو : تورکجه تورکجه

[اؤزل آد]دوٌشونه¬رک اوٌزولمه، تأثّر

دوٌشوان : تورکجه تورکجه

[اؤزل آد]سالماس¬داکندآدی{توُشمان:اوٌزاوٌزه}

دوٌشوت : تورکجه تورکجه

[باخ]دوٌشوک

دوٌشورتمک : تورکجه تورکجه

[ائتدیرگن ائیلم]
آشاغی دوٌشمه‏یه مجبور ائتمک.
(ل) آشاغی¬یئندیرمک، دوٌشورمک

دوٌشوردولمک : تورکجه تورکجه

[بلسیز ائیلم] دوٌشورتمک ایشی گؤرولمک

دوٌشورمک : تورکجه تورکجه

[تاثیرلی ائیلم]
یئندیرمک، دوٌشمه‏سینه سبب اوْلماق، آشاغی یئندیرمک، الیندن بوراخماق و یئره سالماق(فا:انداختن).
دیرینی آزالتماق، آلچالتماق، دئویرمک (فا:ساقط). Fallen { سنگلاخ سؤزلویونده ایشله نیبدیر}

دوٌشوروش : تورکجه تورکجه

[آد]دوٌشورمک ایشی ویا بیچیمی

تورکجه تورکجه