Multilingual Turkish Dictionary تورکجه تورکجه

سیدجعفر : تورکجه تورکجه

[اؤزل آد]خالخال‏دا‏ سیدلر زئیوه سی کندینده دوٌنیایا گلدی، تحصیلاتین جمهوری آذربایجاندا بیتیرندن سوْنرا 32 یاشیندا ایرانا دؤندو، رضا پهلوی دؤرو مبارزه‏لریندن دوْلایی 11 ایل حبسه‏ گیردی، گوٌنش1323 خُردادین آخریندا 14جو مجلسه وکیل سئچیلدی، اوْنون اعتبارنامه‏سی تیر آیی‏نین 22 سینده مجلس ده مُردادین وسطینده ده توُده حزبی طرفیندن رد اوْلدو، گوٌنش 1324جی ایل تهراندان تبریزه کؤچه‏رک 1324 شهریورین 12سینده دمکرات حزبی‏نی قوُردو و سوْنرا ایلک آذربایجان قازئتین ائشیگه وئردی، 1324جی ایل آذرین 21ینده ملّی مجلسین آچیلیشین اعلام ائتدی و حکومتین قوُرولماسینی اعلام ائتدی و دالیسی گون تبریز پادگانی خلع سلاح اوْلوندو، شهریورین 27سینده اوُرمیه پادگانی تسلیم اوْلدو، گوٌنش1324 دی آیی‏نین 19وندا تبریز یونیوئرسیته سی‏نین قوُرولماسی، (زراعت طبّ و ائییتیم فاکولته‏لری) و بهمن آیی‏نین 27 سینده خالصه اراضی‏نین بؤلونمه‏سی تصویب اوْلدو، 1325 اردیبهشتین 19وندا روس قوْشونلاری ایران توْپراقلاریندان خارج اوْلدو، خُردادین 22 سینده تبریز یوُنیوئرسیته سینین آچیلیشی دوٌزنلندی، خُردادین 26 سیندا زنجان اهالی‏سی اوْ بؤلگه‏نین مرکزی حکومته ضمیمه اوْلماسی اوٌچون بؤیوک گؤسته ری دوٌزنله دیلر، آذرین بیرینده زنجان حُکومت طرفیندن بوْشتالتیلدی و 16سیندا مرکزی حکومتین قوْشونو، آمریکا قوْشونون کؤمگیله آذربایجانا هجوم ائده‏رک آیین 22سینده حُکومت ییْخیلدی، سوْنوجدا آذربایجان توٌرک ملّتیندن رسمی آمارا گؤره 2500 نفر صحرایی دادگاه‏لاردا اعدام اوْلدو، 8000نفر اوُزون مُدت حبسه محکوم اولدولار و 20000نفر مُحاکمه‏سیز اؤلدورولدو و 36000 نفر ‏مهاجرلردن سوٌرگون ائدیله‏رک 10مین‏لرجه افراد مختلف شهرلره و سوٌرگون اوْلدولار و 70000 نفردن ده چوْخ زوْرونلو حالدا اوْتایا کؤچدولر19، سید جعفر 1947جی ایل ائیلول‘ون 11ینده بیر اوْتوْموبیل قضاسیندا باکی شاماخی آراسیندا یارالاناراق خسته خانایا منتقل اوْلاراق، گویا استالین‘ین دستور ایله داوا تزریقی اثرینده اؤلدورولدو