Multilingual Turkish Dictionary

تورکجه تورکجه

تورکجه تورکجه
بئژ : تورکجه تورکجه

[آد]ساری یا چالان آچیق قهوه رنگی (فا:رنگ بژ). beige {فر›، سانیلیرکی بو کلمه‏نین کؤکو تورکجه بوْز سوزجوقودورکی اسکی تورکجه ده ده ایشله نیردی}

بئش : تورکجه تورکجه

[سایی،گؤ]دؤرد‏دن سونراکی سایی (فا:پنج). five

بئش... : تورکجه تورکجه

[اؤزل آد]تک ویا ترکیبی حالدا یئر آدی اوْلاراق ایشله¬نیر، باخ:یئرآدلاری (ان آزی 12 آد سایماق اوْلار)

بئش¬آتان(إآتیلان، إآچیلان) : تورکجه تورکجه

[آد]فیشک‏لیگی بئش دانا فیشک توتان توفنگ و سلاح (فا:پنج لول). five-loader

بئش‏آشاغی بئش یوُخاری : تورکجه تورکجه

[صفت]تقریبأ، بیرآز فرقله « بئش‏ آشاغی¬بئش یوُخاری تبریز باکی آراسی400 کیلومتردیر»

بئش‏آلتی : تورکجه تورکجه

[صفت]بیرآز، بیر پارچا « بئش‏آلتی قیران»

بئش‏اوُجای‏لی : تورکجه تورکجه

[صفت]بئش¬قُطُب لو (فا:پنج قطبی). pentode

بئش‏اوٌچ : تورکجه تورکجه

[آد]ایکی داشلا اوْینانان اوْیونلاردا، داشلار آتیلارکن بئش‏له بیر، سایی‏لاری‏نین گلمه سی

بئش‏اوٌزلو : تورکجه تورکجه

[صفت]بئش اوزو اوْلان جیسیم (فا:پنج وجهی) pentahedral

بئش‏اوُلدوزلو : تورکجه تورکجه

[صفت]اوزه¬رینده بئش اولدوز شکلی اوْلان، چوخ یوخاری استانداردلی اوْلان هتل‏لره وئریلن آد

بئش‏اوْن : تورکجه تورکجه

[صفت]آزساییدا، بیرآز

بئش‏ایکی : تورکجه تورکجه

[آد]بئش‏له ایکی، سایی‏لاری‏نین گلمه سی

بئش‏ایللیک : تورکجه تورکجه

[آد]بئش ایل سوره«بئش ایله سوره‏لیک بیر اجرا پروگرامی، بئش ایللیک وئرلیش»

بئش‏بارماغی¬کیمی تانیماق : تورکجه تورکجه

[تاثیرلی ائیلم]چوخ یاخجی تانیماق، بیلمک

بئش‏بارماق : تورکجه تورکجه

[آد]
(دیرگی) دری‏سی تیکانلی، اولدوز کیمی بئش قوْللو بیر دنیز حئیوانی. uraster
بارماقلارا تاخیلان و دمیردن دوزلمیش بیر نوع سوْیوق سلاح (فا:پنجه بوکس).
بئش دیشلی هر شئی، بیر نوع بئش دیشلی شنه، بیر نوع یابا.
بیر نوع بیتگی آدی، پئیغمبر چیچگی

بئش¬بارماق : تورکجه تورکجه

[اؤزل آد] سییه¬زن‘ده داغ آدی

بئش‏بارماق¬آغاجی : تورکجه تورکجه

[آد،بیتگی]بیر آغاج آدی (فا: فلفل صغیر)

بئش‏بارماق¬اوْتو : تورکجه تورکجه

[آد،بیتگی]باخ:آییت.potentilla reptans

بئش‏بارماق¬بیر¬اوْلماز : تورکجه تورکجه

[آراسؤز]آتاآنالاری بیر اوْلسادا بئله اوُشاقلار بیربیرلریه فرقلی دیلر

بئش¬بالیق : تورکجه تورکجه

[اؤزل آد]تورکوستاندا باسمیل¬لارین¬یاشادیغی¬بیر دره¬آدی 12؛ اوُیغورلارین¬ (8جی¬قرن) قوُردوقلاری¬بیرشهر

بئش‏بئتر : تورکجه تورکجه

[آد]چوخ پیس (فا:بدتر از بد)

بئش‏بئش : تورکجه تورکجه

[ظرف]
بئشر بئشر، بئش دانا بئش دانا.
(آ) ایکی داشلا اوْینانان اوْیونلاردا، داشلار آتیلارکن بئش‏له بیر، سایی‏لاری‏نین گلمه سی

بئش‏بوجاق : تورکجه تورکجه

[صفت]بئش گوشه‏لی¬(فا:پنچ¬گوش).five-angled

بئش‏بوجاقلی : تورکجه تورکجه

[آد]بئش بوجاغی اولان هندسه شکلی

بئش‏بیر : تورکجه تورکجه

[آد]ایکی داشلا اوْینانان اوْیونلاردا، داشلار آتیلارکن بئش‏له بیر، سایی‏لاری‏نین گلمه سی