Multilingual Turkish Dictionary تورکجه

آت¬آغیزلی¬اوْروز : تورکجه تورکجه

[اؤزل آد]دده¬قوْرقود بوْی¬لاریندا بیر قهرمان آدی

آتا : تورکجه تورکجه

[آد،تاراما سؤزلویونده ایشله نیبدیر]
بیرکیشی‏نین اوشاقلارینا گؤره نسبتی (فا:پدر) father
(مج)آدین و سوْیوُن باغلی اوْلدوُغو کؤک، بؤیوک و سایقین بیر کس؛ قروپ ویا بیر قورومو یئتیشدیره¬نه حُرمت اوچون وئریلن آد.
آتالار شکلینده اجداد معناسیندا ایشله-نیر «آتالاربئیله دئییرلر»،
(اآ)بیر توٌرک بوْیو، باخ: خوارزمشاهلار {سوُمرجه ‹آددا›، ایلام دیلینده هاتا و هاتی سؤیله¬نیر؛ اسکی‏لرده اویغور تورکلری آراسیندا آتایا «قانگ، کانک» دئییلیردی30؛ بو کلمه آد سؤزیله ایلگی‏لیدیر، چونکی اسکی‏لردن بری هر شخص آتاسینین توسط ایله تانینیب و آدلانیردی، بو سببه هر شخصین اصل آدی آتاسینین بللی اولماسیلا بللی اولوردو و گئتدیکجه بیر شخصین آدی نی بللی ائدن کیمسه اونون آتاسی اولاراق آتا عنوانیندا تانینیبدیر، بو کلمه‏لرین سومرلره قدَر اوُزانماسی عربجه ده آدام سؤزونوده آتا کلمه‏سینه باغلایابیلیر و گرچکدن آدم‹آدام کلمه‏سی بؤیوک آتا ساییلیر،لاتینجه atavism, atavus کلمه‏لری نیاکان مفهوموندا بو کؤکه باغلانیر، باخ: آنا}

آتا¬إ : تورکجه تورکجه

[اؤزل آد]انسان¬آدی:آتااَر،آتابؤری،آتابَرک،آتاخاقان،آتاسوُ، آتاسوْی، آتاقارا، آتاقال، آتاقام، آتاقایا، آتاقوُرد، آتاقیْلیچ، آتاگوٌن،آتامبؤری،آتامبای،آتامَر،آتامَرک، آتاوئردی، آتاوْل

آتاآنا : تورکجه تورکجه

[آد]ار و آروادین¬اوشاقلاریناگؤره نیسبتلری (فا:پدرمادر)

آتاآناسیز : تورکجه تورکجه

[صفت]آتاسی آناسی اولمایان، یئتیم (فا:یتیم)

آتاآنالی : تورکجه تورکجه

[آد]
آتاسی و آناسی اولان.
سوْیلو و کؤکلو آدام، اردم‏لی و دوٌز انسان (فا:پدر مادر دار)

آتاارکیل : تورکجه تورکجه

[آد]دده بگلیک، ارککلرین قادینلارا اوٌستون اولان دؤنمی‏نین آدی (فا:پدرشاهی)

آت¬اؤلن(آت اؤلن) : تورکجه تورکجه

[اؤزل آد]خالخال دا داغ آدی

آتابابا : تورکجه تورکجه

[آد] بیر نسلین ایلک بانی‏لری (فا:پدرجد). grandfather‏

آتابابادان قالما : تورکجه تورکجه

[آد]چوخ اسکی وچوخ گئچمیش دن قالما، قدیملردن قالمیش، ارثی (فا:ارثی). ‏

آتابالا : تورکجه تورکجه

[آد]آتا ایله اوُشاغی (فا:پدر و بچه)

آتابای : تورکجه تورکجه

[اؤزل آد]
گنبد شهری نین مرکزی بخش اینده بیر کندیستان اولاراق 50کندی و 18000نفر* نُفوسو واردی بو یئر آدی بیر توٌرکمن طایفاسی آدینا باغلیدیر و اهالی سی توٌرکمندیلر؛‌
کیچیک آتابای گُنبد ده کند آدیدیر

آتابای/آتابگ : تورکجه تورکجه

[اؤزل آد]
بؤیوک¬آتا
باخ: آتابگلر

آتابگلر : تورکجه تورکجه

[اؤزل آد]سلجوقلو سلطانلاری بیر شهزاده‏نی بیر ایالته والی گؤنده¬ره‏رک اوْنونلا بیرلیکده اوْغوز بگلریندن بیر آتابگ ده گؤنده¬ریردیلر، آتابگ بو شاهزاده یه دؤولت و حربی ایشلرینده کؤمک ائدیب و ایشلری دوٌزَنلی گئتمه‏سینه چالیشیردیلار، سلجوقلو امپراتورلوغو داغیلاندان سوْنرا آتابگلر کیچیک دؤولتلر قوُردولار، بونلارین اؤنملی‏سی آذربایجان آتابگلری ویا ائلدنیز اوْغوللاری (م
1146)، موصل آتابگ‏لری (م
1147)، سوُلقور ویا فارس آتابگلری (م
1147)، و حلب آتابگلری ایدی (فا:اتابکان)