Multilingual Turkish Dictionary تورکجه

بوُلغارخاقانلیغی/ بؤیوک بوُلغار دؤلتی : تورکجه تورکجه

[اؤزل آد]گؤی¬تورک- آشینا و بوُلغاردوُلوْ بوْیوندان اوْلان کوُوراتوٌن/قوُرد ایلکجه گؤی¬تورک¬لره باغلی¬ایدی،گؤی-تورکلر ییخیلینجا م 630دا خانلیق قوُردو؛ حاکمیت ایللری م
668 و اگه¬منلیک یئرلری قافقازلار و دئنیپئرین غرب طرفی ایدی، م 670ده قوُرد اؤلدو و دؤولت پارچالانیب و ایکییه بؤلوندو؛
توُنابوُلغارخانلیغی: قوُروجوسو آسپاروُخ خان ( باشبوغ قوردون اوْغلو و بات¬بایان‘ین کیچیک قارداشی) (اؤلوم ایلی م691)، حاکمیت ایللری م
864 و اگه¬منلیک یئرلری گوٌنئی مجارستان و ترانسیلوانیانین بیر قسمی؛ دانوب بوُلغار دؤلتی گوجله نه‏رک بیزانس‏لاری نگران ائتدی بیزانس‏لار نئچه¬دفعه دانوب¬بولغارین باشکندی»پئره یاسلاو» شهرینه هجوم آپاردیلار، قوُروم خان زامانیندا بولغارلار یئنیلدیلر قوُروم خانین اوْغلو اوْمورتاق (م
814) بیزانسلارلا باریش مقاوله‏سی امضالادی، اوْمورتاق چوخلو شهرلر و قصبه‏لر تیکدیردی، بوُلغارلار بارسخان/ بوُریسخان دؤنمی مسیحیتی قبول ائده¬رک قالابالیق اسلاو تاثیری آلتیندا اسلاولاشدی، اسلاولاشمیش بوُلغاریا ایندیده دوام ائدیر.
ایدیل بوُلغار دؤولتی: قوُروجوسو باشبوغ قوردون اوْغلو بات بایان، حاکمیت ایللری م
1236 و اگه¬منلیک یئرلری قافقازلارین قوُزئیی و قازان بؤلگه-سی؛ ایدیل بوُلغارلاری خزرلرین متحدی ساییلیر¬دیلار، بوُلغارخانی آلمیْش(سَلکَل/سئلکئی یالتاوار اوْغلو آلموُش یالتاوار) م922جی ایل ایلک توٌرک دوولتی اولاراق اسلامی قبول ائدیر وبو دؤولت 300 ایل بوْیونجا توٌرک اسلام کوٌلتورون مدافعه ائتدیلر، ووُلقابولغار دؤولتی ¬موغوللار طرفیندن ¬ییخیلدی209،8،

بوُلغاربوْیلاری : تورکجه تورکجه

[اؤزل آد]ایدیل بؤلگه سینده بوُلغار بیرلیگینه باغلی بیر توٌرک بوْیو بارانجِر/بارانجار آدیندادیر، ابن فضلان بوُ بوْیا ناماز قیلماغی اؤیرتمیشدیر، بوُلغارلادان بیر بؤلومو قازان دا تاتار و قافقازلاردا بالکار آدیندادیر، بوُلغارلادان بیر بؤلومو بیزانس طرفیندن آنادولو و شرق بؤلگه¬لرده اسکان وئریلمیشدیر،اوْنلار بیر طرفدان میسیونر¬لرجه کریستیان لاشماغا و اوْبیری طرفدن اوْنلاردان عرب و ساسانیلرین¬علیهینه یارارلانماغاچالیشیلیبدیر،سلجوقلولار آنادولویا گیررکن بوُنلاری¬ کریستیان اوْلموش توٌرکلر حالیندا گؤرموشلر، اوْنلارین ایزلرین یئرآدلاریندا بوْلکار/ بالکار/ بوُلقار/ بوُلقور شکلینده گؤرمک اوْلار، بوُلغارلارین بیر اوْیماغی نین آدی وارساق اوْلموشدور (اوْبالاریندان:چوْنقارا، چنه/چینهçənə، بایبوُرت، اوُلاس)، وارساق بوْیلاری نین بؤلگه¬لرینده «نَمَره/ نَمیراوْغلو/ نَمَر، قوُروم» کلمه¬لری یئر آدلاریندا دقّت چکیجی دیر {محتملا بوُلغار باشبوغلاری نین آدیدیر}، بوُلغار عسگری مقام لاریندان بوْیار آدینا اشاره ائتمک اوْلار؛ بوُلغار داستان¬لاریندان «چوْراباتیر، ائدیلگه ایله توْختامیش» ان اؤنملی لریندندیر. بوُلغارلارین بیر آیری کؤچ مسیرینه ده اشاره ائده بیلیریک: میلاددان قاباق 3جو یوٌزیلده اوُغورلار، اوْغوزلاردان آیریلمیش و سوْنرالار بئش اوُغور، آلتی اوُغور، دوْققوز اوُغور، اوْن اوُغور، اوْتوز اوُغور، ساری اوُغور کیمی مُختلف بؤلوملری تشکیل وئرمیشلر، بوُنلاردان اوْن اوُغور و ساری اوُغورلار آلبان و آذربایجانلا قطعی ایلگی‏لری وار و بوُلغارلار ترکیبینده یئر آلمیشلار، بوُ ایکی¬طایفا
7جی یوٌزیللرده دربند- ساکاسئن(گنجه)- ساوالان اوٌچگن اینده گوٌجلو دؤولت قوُرموشلار، بولغارلارلا بیرلیکده توٌرک سوْیلو شیراک¬‏لاردا آذربایجانا گلمیشلر،دده¬قوْرقود کتابیندا شیروکوز سؤز ایله بوُنلارا اشاره اولونوب، بوُلغار آدیندا آنادولو و آذربایجاندا بیرچوخ یئر آدینا راست¬ گلیریک:شرقی ¬آنادولودا بوُلغار داغی، موُغان بؤلگه سینده اوْغور کند، بوُلغارچای، بوُلغارکندی، اوْغوربولاق، بوُلغار گؤی تپه؛ یئنه¬ده بو بؤلگه ده بوُلغارلارین باشچی‏لارینین بیرینین آدی »وند vənd» اولموشور، بوُ سببه بوُ شکیلده یئر آدلارینادا راست¬گلیریک¬کی اوْ دؤنمدن قالماآدلارساییلیر: وند،وندی کندلری، پاپراوند، خوْجاوند، یاغلاوند، قاراوند8،97،

بوُلغاری : تورکجه تورکجه

[آد]بیر نوع دؤرد تئللی باغلاما

بوُلغارلو : تورکجه تورکجه

[اؤزل آد]م16جی یوٌزیلده، آنادولودا آت¬چکن توٌرک بیرلیگینه منسوب بیر بوْی آدی

بوُلغور : تورکجه تورکجه

[آد]قاینادیلیب قوُروداندان سوْنرا دؤیوله‏رک قابیغینی چیخاردیب و قیریلان بوغدا، یارما (فا:بلغور). {سنگلاخ سؤزلویونده ایشله نیبدیر ‹بولغوز›؛بو سؤز بوُلقاماق سوزوندن آلینمادیر}