Multilingual Turkish Dictionary

تورکجه

تورکجه
چالقیچی اوْتو : تورکجه تورکجه

[آد،بیتگی]توُرپ‏گیللردن، قوُراق توپراقلاردا یئتیشن بیربیتگی جنسی، شوٌوه¬رن.sisymbrium. cru‏

چالقیچی بؤجک : تورکجه تورکجه

[آد،دیرگی]یاخلاشیق mm 5 بویدا، باشی سرت قابیق‏لی، قهوه ویا قارا رنگلی و ضررلی بؤجک

چالقیچی : تورکجه تورکجه

[صفت،سن]چالقی¬چالان (فا:موزیسین). musician

چالقیچی‏لیق : تورکجه تورکجه

[آد]چالقی چالماق ایشی

چالقی¬خانا : تورکجه تورکجه

[آد]چالقی ائوی، چالقی‏لی او و یئر

چالقی¬دوزلدن : تورکجه تورکجه

[آد]بسته کار (فا:آهنگساز). tunemaker

چالقی‏سیز : تورکجه تورکجه

[صفت]چالقی‏سی اوْلمایان

چالقی¬لاماق : تورکجه تورکجه

[تاثیرلی ائیلم]
چالقی¬چالماق
چالقی ایله سوٌپورمک

چالقی‏لی : تورکجه تورکجه

[صفت]چالقی چالینان وچالقی‏سی اوْلان یئر، چالقی‏سی اوْلان، موزیک‏لی، موزیکال. musical

چالقی‏لیق : تورکجه تورکجه

[آد،بیتگی]چالقی‏سی چوخ اوْلان یئر

چالقین : تورکجه تورکجه

[آد]
سویوخ و ایستی هاوا تاثیریله یئتیشمه میش و پوْزولموش اکین.
دادی پوْزولموش یئمک (فا:بهم خورده).
ضربه چی، حمله چی، ووُروجو

چالکی : تورکجه تورکجه

[اؤزل آد]قوچان دا کند آدی

چال‏گئچیت : تورکجه تورکجه

[آد]بیربیرینه گچه‏رک باغلانان شئی (فا:قزن قفلی). hook and eye

چالگر : تورکجه تورکجه

[اؤزل آد]خالخال دا کند آدی

چاللاجی : تورکجه تورکجه

[آد]آذریایجان چالقی هاوالاریندان(فا:نام آهنگی)

چاللاشماق : تورکجه تورکجه

[باخ]چاللانماق

چاللانماق : تورکجه تورکجه

[تاثیرسیز ائیلم]بوْزا چالماق، آغارماغا باشلاماق، ‏دن دوٌشمک (فا:رنگ باختن، خاکستری و طوسی شدن)

چاللی : تورکجه تورکجه

[اؤزل آد]ملیکان و کبودرآهنگ؛ اهرده (إدیزه)، مراغا دا کند آدی {داشلیق و چالیلیق یئر}

چالما : تورکجه تورکجه

[آد]
قلم‏له¬اوٌستونده ایشلَنمیش لوحه (مئتال، اشیا)، اوٌزه¬رینده دوٌزه¬لن اوْیما، ایشله¬مه.
باشا سارینان ساریق، بیر نوع لچک.
میس سو قابی.
وورما، تاپداما.
اوغورلاما، قاپما
موُزیک چالما،چالقی آلتی چالما

چالمابگ : تورکجه تورکجه

[اؤزل آد]انسان¬آدی، باخ:چالما+ بگ

چالماچی : تورکجه تورکجه

[صفت]قلم‏له مئتال اشیانین اوٌستونده ایشله¬ین

چالماخورخور : تورکجه تورکجه

[اؤزل آد]بیله سوار دا کند آدی

چالماق : تورکجه تورکجه

[تاثیرلی ائیلم]
قاپیب قاشماق، اوْغرولاماق، الیندن آلماق و چیخارماق (فا:ربودن). to steal
موزیک چالماق، چالقی چالماق، سسلندیرمک، چالغی لاماق. (فا:موزیک زدن). to play
ووُرماق، ضربه ووُرماق، دؤیمک، قلم‏له بیر شئی اوٌزه رین چالاراق نقش سالماق.
‌ایلان وورماق، دیشله‏مک، سانجماق. to sting
قاتیق چالماق، قاتیق دوٌزلتمک، قاریشدیرماق، قاتیشدیرماق.
بنزه‏مک، آغا ویاآیری رنگه چالماق. to be shot
ساعات چالماق (فا:نواختن).
بیر سیرا کلمه‏لرله مختلف افاده‏لی سؤزلر دوٌزَلدیر «کیپریک چالماق، قابار چالماق، ال چالماق، قلبه چالماق، قاناد چالماق، لایلای چالماق». {سومرجه ‹تال›؛ ت: یئره وورماق، سن؛ چال سؤزو قیْرقیزجادا گؤزل قیْز و یله معناسیندادیر، بوُ معنادا موغولجا دال سؤزو ایشله نیر219؛ بو کلمه اسکی معناسیندا چوخلو کلمه‏لرین کؤکودور: چالما/چلمه/ چالاما (باش¬سارقی¬‏سی، فارسجا شلمه)، چالقاماق= چالخاماق، چالیشماق، چالقی، چالاغان، چلیشمک= چلمک› جلْد، چالیقلاماق، چالاک› چالاق (فارسجادا چالاک شکلینده ایشلکدیر)، اینگیزجه¬ده ایشله‏نن challenge (قارشیلیقلی چالیشماق) سؤزوده بو کلمه‏دن آلینمالیدیر، اؤزللیکله لاتینجه¬ده بو کلمه‏نین تک هجالی بیر سؤزه باغلاناماسی اوچون بو باغلانتی گوجله نیر، یئنه¬ده فارسجادا چال سؤزو چوُخور و کیچیک قوُیو معناسیندادیر هرچند فارسجادا بوُمعنا اسکی لره گئدیر ولی آچیقدیرکی بالاجاچوُخور(قازما وسیله¬سینی) چالماق و ووُرماقلا دوٌزه¬لیر نئجه¬کی توٌرکجه¬ده¬ده قلم¬له ایشلنمیش دمیر مئتالا چالما آدی وئریلیر،بوُنکته¬ده¬اشاره¬اوْلونمالیدیر¬کی چال سؤزو فارسجادا چوُخور معناسیندا یایقین اوْلاراق یئر آدلاریندا و اؤزللیکله فارس بؤلگه¬لرینده بوْل بوْل اؤزونو گؤستریر و البتده تورک بؤلگه¬لرده¬ده بوُنو گؤرمک اوْلار و بوُ آدلاری بوُ کتابدا ایزله¬مک اوْلار و بوُ سببه دئمک اوْلارکی یئر آدلاریندا بوُ کلمه هر ایکی دیلین و خالقین اؤزللیکلرینی داشییاراق ایز بوُراخیبدیر بئیله-کی هرچند کلمه تورک کؤکنلی سؤزدور ولی چالا معناسیندا یالنیز فارسجادا گلیشیبدیر و بوُ جهتدن چوُخور اؤزللیگی اوْلان یئر آدلاری اوْ دیله دایاناراق دوٌزلمیش اوْلمالیدیر ولی بوْز رنگی، یوٌکسکلیک، سس مفهوملارینی داشییان یئرلر توٌرکجه معنایا دایانیر؛ چال¬داغی هم آنادولودا وهم آذربایجاندا داغ آدیدیر، باخ: چال}

چالمالی : تورکجه تورکجه

[صفت]
خوشاگلن¬آهنگ
چالیب¬چاپماغا اوُیقون
چالماغا مُناسب قاتیق ویا آیری ماده (فا:نواختنی).
کیچیک¬کلاغایی،لچک«اَیری چالمالی¬خوُمار گؤزلو قیز»

چالمان : تورکجه تورکجه

[اؤزل آد]چالیْجی، ووُروجو (تاریخی اؤزل آد) آلتای توٌرک¬لری، تله¬ووُت اوْیماغی اوُلوبابالاریندان