Multilingual Turkish Dictionary تورکجه

دوٌشکون : تورکجه تورکجه

[صفت]
سیخینتی¬لی،اوٌزونتولو.
باغلی، ماراقلی، ووُرقون (فا:مبتلا).
اسکی دَیرینی ایتیرمیش، یاشلی‏لیق ویا خسته‏لیک سببیله چالیشما گوٌجونو ایتیرمیش (فا:ضعیف). weak {ت، سن ‹دوٌشوک›}

دوٌشکون اوْلماق : تورکجه تورکجه

[تاثیرسیز ائیلم](بیر شئیه) چوْخ اؤنم وئرمک

دوٌشکون لشمک : تورکجه تورکجه

[آد]دوٌشگون اوْلماق، الدن دوٌشمک

دوٌشکون لشمیش : تورکجه تورکجه

[صفت]دوٌشگون حالا گلمیش

دوٌشکون لوک : تورکجه تورکجه

[آد]
دوٌشگون¬اوْلما، سیخینتی‏لی و اوٌزونتولو اولما (فا:ضعف).weakness
ووُرقون¬لوق.
آشاغی دوٌشمه، دیرسیزلنمه.
یاشلی‏لیقدان گوجونو ایتیرمه

دوٌشکون‏لر ائوی(یوردو) : تورکجه تورکجه

[آد]چالیشما گوجونو ایتیرن کیمسه‏لرین ساخلاندیغی یئر (فا:آسایشگاه). hospice

دوٌشله‏مک : تورکجه تورکجه

[تاثیرلی ائیلم]بیر اتفاقی، ایشی، شئیی ویا کیمسه‏نی ذهنده اوْلدوغو کیمی جانلاندیرماق

[تاثیرسیز ائیلم]
اؤزآغیرلیق¬ایله یوخاری¬دان آشاغی¬یا یؤنَلمک، ییخیلماق «آغاج دان دوٌشمک، پالتار اَینیندن دوٌشور» (فا:افتادن). to fall
آشاغی یا یئنمک «آتدان یئره دوٌشدو» (فا:پیاده شدن).
بیر شئیین اوٌستونه ساریلاراق یالوارماق و استغاثه ائله‏مک «آیاغینا دوٌشدو».
سریلمک، سره‏لنمک، اوُزاناراق سره‏لنمک «بؤیرو اوٌسته دوٌشوب یاتدی».
بیرینین دالی‏سیجا گئتمک (دال و آرد، آرخا، ایره‏لی کیمی کلمه‏لرله بیرلیکده) «دالیسیجا دوٌشوب گئتدی».
یئریندن قوْپوب دوشمک «دیرناغی دوٌشمک».
اوْتوراق ائله-مک، قوْناق اوْلماق، یئتیشمک و چاتاراق یئرلشمک، واقع اوْلماق و قرار تاپماق «قوْشون دوٌزلوکده دوٌشدو».
یاغماق، ساچماق، یاییلماق و یئنمک «داغلارا قار دوٌشوبدو، شایعه دوٌشمک».
پایلاشما و بؤلوشمه سوْنوجو بیر یئره و شئیه عاید اوْلماق و بیر یئرده قرار تاپماق، بیر شئیین و یئرین ایچینده قرار تاپماق «عسگرلیک دؤنَمی زنگانا دوٌشدو، تله‏یه دوٌشمک، حبسه دوٌشمک».
بیر دؤنم باشلاماق، بیر حادثه اوٌز وئرمک و باشلاماق «قیش دوٌشدو، قوُزو اوْتا دوٌشوبدور».
آزالماق، دَیری دوٌشمک، ایتیرمک، محروم اوْلاراق دَیری‏نی ایتیرمک «ایستی‏نین شدّتی دوٌشدو، دَیری دوٌشدو».
تاب‏سیز اوْلماق، اوٌزولمک، کئییمک و طاقتی¬نی ایتیرمک «بالتا ووُرماقدان قوْلاریم دوٌشدو».
راست گلمک، بختینه چیخماق «ایشیم دوٌشدو گلدیم».
یاراماق، خئیری اوْلماق، اوُیقون اوْلماق «بوُ درمان خسته‏یه دوٌشور».
اوٌزه رینده یوٌک اوْلماق، یوٌک لنمک، اوٌزه رینده قالماق «بوُ ایش منیم بوْینوما دوٌشدو».
هر هانسی بیر وضعیتین ایچَری‏سینده قرار تاپماق، اوُغراماق، دوُچار اوْلماق «بلایا دوٌشمک».
آوارا و سرگردان اوْلماق «کوٌچه‏لره دوٌشمک».
بیر ایلگی و سئوگیه دوٌشمک، بیر حسّه قاپیلماق «عشقه دوٌشمک».
الینه و چنگینه دوٌشمک «بیر اَلیمه دوٌشَیدی».
دوٌشکون وضعیتده اوْلماق «آتان نئجه دی چوْخ دوٌشمه ییبدیر؟».
ساتاشماق، دَیمک، گؤرمک (گؤز کلمه سیله) «گؤزو اوْ آداما دوٌشدو».
بوُ کلمه «دوٌشدوکجه، دوٌشنده، دوٌشسه» شکلینده ایشله‏نیرسه «راست گلدیکجه» مفهوموندا معنا وئریر «دوٌشدوکجه گئدَرم»، نه دوٌشوب، نه دوٌشوبکی شکلینده نه دخلی وار معناسیندا ایشله‏نیر «سنه نه دوٌشوبکی بوُ سؤزلری دانیشیرسان».
بیر سیرا کلمه‏لرله مختلف افاده‏لی مُرکب سؤزلر دوٌزَلدیر «گؤزو دوٌشمک: گؤزو ساتاشماق، اوٌره‏یی دوٌشمک: قوْرخماق، چتین‏لیگه دوٌشمک، برکه دوٌشمک، ال آیاغا دوٌشمک: تلَسیگه دوٌشمک». { دیوان لغات تورک ده ایشله نیبدیر، سنگلاخ سؤزلویونده ایشله نیبدیر}