Multilingual Turkish Dictionary

تورکجه

تورکجه
شیشله‏مک : تورکجه تورکجه

[تاثیرلی ائیلم]
شیشه ساپلاماق، شیشه ووُرماق و باتیرماق (فا:سیخ زدن).
اوجونو ایتی‏له‏مک، ایتی حالا گتیرمک (فا:نوک تیز کردن). { سنگلاخ سؤزلویونده ایشله نیبدیر}

شیشلیک : تورکجه تورکجه

[آد]
شیشه چکیله‏رک پیشریلن ات پارچا‏لاری (چوخراق ماهیچه و راستا اتی)، شیش کؤزلمه‏سی (فا:إ).
شیش دوٌزَلتمگه ال وئریشلی. { دده قورقود کیتابیندا ایشله نیبدیر}

شیشمان : تورکجه تورکجه

[صفت]کؤک، شیشقو، شیش قادین، یئکه قادین (فا:تنومند، جسیم). bulky، corpulent { سنگلاخ سؤزلویونده ایشله نیبدیر}

شیشمانجا : تورکجه تورکجه

[صفت]اوْلدوقجا شیشمان، بیرآز شیشمان، دوْلغون

شیشمانلاتماق : تورکجه تورکجه

[تاثیرلی ائیلم]شیشمان دوروما گتیرمک

شیشمانلاشماق : تورکجه تورکجه

[باخ]شیشمان لانماق

شیشمانلاماق : تورکجه تورکجه

[تاثیرسیز ائیلم]شیشمان وضعیته گلمک (فا:تنومند شدن)

شیشمانلیق : تورکجه تورکجه

[تاثیرلی ائیلم]شیشمان اوْلما وضعیتی، کؤکلوک

شیشمک : تورکجه تورکجه

[تاثیرسیز ائیلم]شیشه‏رک بؤیومک، کؤک اوْلماق، کؤکلْمک، پیی¬لنمک، یئلله¬نه‏رک بؤیومک(فا:آماسیدن). to swell {سنگلاخ سؤزلویونده ایشله نیبدیر، ورم ائتمک، دیواندا ایشله‏نن شئشمک (چؤزمک،آچیلماق)بوکلمه‏نین¬اسکی شکلی اولمالیدیر6}

شیشمیش : تورکجه تورکجه

[صفت]شیشگین، مُتَوَرّم (فا:متورم). swollen

شیشه : تورکجه تورکجه

[باخ]شوٌشه

شیشه : تورکجه تورکجه

[اؤزل آد]اهر ده کند آدی. {باخ: شوُشا،شئشه}

شیشه چی : تورکجه تورکجه

[باخ]شوٌشه چی

شیشه گران : تورکجه تورکجه

[اؤزل آد]اردبیل ده کند آدی

شیشیرتمک : تورکجه تورکجه

[تاثیرلی ائیلم]
پوٌفله‏یه‏رک¬دوْلدورماق،یئل‏له¬‏مک، کؤپورمک، قابارتماق، شیشگین حالا گتیرمک (فا: متورم-کردن)
(مج)بیرینی¬تعریف‏له‏یه‏رک¬بؤیوتمک،مبالغه ‏لی بیر حالدا بیرینی گوٌجلو گؤسترمک (فا:غلوّ کردن)

شیشیردیلمک : تورکجه تورکجه

[بلسیز ائیلم]
شیشگین حالا سالینماق، قاباردیلماق کؤپورولمک.
اوٌستونه قویولماق، مبالغه ائدیلمک

شیشیردیلمیش : تورکجه تورکجه

[صفت]شیشگین حالا گتیریلمیش، دولدورو¬لموش، آرتیریلمیش

شیشیرمک : تورکجه تورکجه

[تاثیرلی ائیلم]شیشگین حالاگتیرمک، شیشیرتمک

شیشیرمه جه : تورکجه تورکجه

[صفت]گوْپ سؤز ویا ایش

شیشیریش : تورکجه تورکجه

[آد]شیشیرمک ایشی ویا بیچیمی

شیشیریلمک : تورکجه تورکجه

[باخ]شیشیردیلمک

شیشیک : تورکجه تورکجه

[صفت]شیشگین (فا:متورم). swollen‏{ سنگلاخ سؤزلویونده ایشله نیبدیر}

شیطان : تورکجه تورکجه

[آد،عربجه]دینی اینانجاگؤره اللـه‘ین یاراتدیغی حضرت آدمه سجده ائتمه‏ین و اللـه یولوندان چیخان بیر ملک، گئنه دینی تصوّره گؤره شرّی تمثیل ائدن وارلیق «آیدا ایلده بیر ناماز اوْنودا شیطان قوْیماز-آتاسؤزو، شیطانا لعنت¬عجب گرفتار اوْلموشوق».
(مج)آرا قاریشیدیران، پیس آدام «سن دئمه شیطانین بیری بوُ سؤزلری بگه یئتیریب، سن نه شوُلوقسان شیطان» (فا:إ). satan

شیطان-آغاجی : تورکجه تورکجه

[آد،بیتگی]ایینه کیمی تیکان‏لاری اوْلان بیر نوْع بزک¬بیتگی‏سی، بوُ آغاج 20 متره قدر اوُجالان و بوُداقلانان ایری تیکانلارا مالیکدیر، قیشدا یاپراق‏لاری تؤکولن، خیردا چیچک‏لری¬یازدا آچیلان،ایری¬میو‏لری¬یایین آخریندا یئتیشن و بوٌتون قیشی آغاجدان آسیلی شکیلده قالان

شیطانا باج وئرمه‏مک : تورکجه تورکجه

[آراسؤز]چوخ¬حیله¬کار و چوْخ بیلمیش آدام حاققیندا «اوْ آدام شیطانا باج وئرمه ینین بیریدی»