Multilingual Turkish Dictionary تورکجه

قره¬¬خانلیلار : تورکجه تورکجه

[اؤزل آد]باخ: قاراخانلیلار.¬

قره-ضیاالدین/قرَزیادیْن : تورکجه تورکجه

[اؤزل آد]بو شهر خوْی‘ون 60 کیلومترلیگینده یئر آلیبدیر. بوُ شهر ‏دنیز سوُلاری سَویه سیندن 1200 متر یوٌکسک‏لیکده اوْلاراق ش1375 آمارینا گؤره جمعیتی 21000 نفر، اوٌزئی گئنیش‏لیگی 1000 کیلومترمُربّع دیر. بوُ شهر چایپارا بؤلگه سینین مرکزی ساییلیر، چایپارا آدی بوُرانین چوْخلو چایلاری اوْلدوغو اوٌچون بوُ آدلا تانینیر و بؤلگه، چایلارین بیر پاراسی و تیکه‏سی اوْلاراق بیلینیر، چایپارانین اوٌچ بؤیوک بؤلگه¬سی قرزیادین، چوْرس و حاجیلاردیر. تاریخی و گؤرمه‏لری یئرلریندن نئچه سینی آد آپارماق اوْلار: باسدام کندینده قازینتی ایله تاپیلان قالا، اوْرارتو دؤورونه عایددیر، قلعه¬جم¬خور قالاسی (باسدام کندینده)، داش اوْتاق (چیْر کندینده) {بوکلمه خالق دیلینده قرَزیادیْن qərəzyadın شکلینده سؤیله¬نیر، بورادا قره/قارا سؤزو بؤیوک و عظمتلی معنا¬سیندادیر، ایکینجی بؤلوم تلفظ اوْلاراق «زادیْن»zadın شکلینده دیر و بونو ضیاالدین شکلینده یازیب یوروملاماق منطقسیز اوْلور و دئمک اوْلور بوُکلمه، مذهبی ادبیاتا اوُیقون اوْلسون دئیه عثمانلی وئرگی¬چیلر طرفیندن دینی بیر شکیل آلینمیشدیر، بو باخیشلا زیادین/ زادین سؤزو حرف دَییشمه¬سیله، ساتین سؤزونه یاخین اوْلور و معناجا بؤیوک ساتیلمیش¬وآیری¬معنادا مالک اوْلونموش یئر معناسیندادیر، بوُ سایاقدا آدلاری قوْشاچایدا ساتیلمیش، خیاودا ساتی کند آدلاریندا گؤروروک، ساتوق شخص آدی اولاراق اوسته کی معنایا یاخین مفهومو واردیر، بو بؤلگه یه یاخین قرئینی آدیدا بو یوروما یاخین اولدوغو اوچون بو معنانی گوجلندیریر؛ فارسجا یازی پوزو اؤیره¬ننلر و بو دیلین قورللارینا گؤره دوٌشوننلر بعضا بو کلمه¬نی قاجار دؤورونده ضیاالدین آدیندا شاهزاده¬یه باغلاییرلار بو یانلیشدیر چونکی بوُ آد اؤنجه¬لر و صفوی زامانی عثمانلی وئرگی سیاهه¬لرینده قئید اوْلونوبدور، بعضاده ساده باخیشلا بئیله سؤیله¬ییرلرکی اسکیلرده ضیاالدین آدیندا قارارنگلی شخص وارایدی و بو آد اونا منسوبدور، بوجور سؤیلنتی¬لر بیر طرفدن تاریخی¬سندلردن یوْخسون اوْلدوغو اوچون یانلیشدیر و آیری طرفدن کلمه¬نین اصلینه¬ترس¬بیریوْروم¬اولور ودوٌزگون اوْلابیلمز، باخ:قرئینی}

قره¬عینی/قرئینی : تورکجه تورکجه

[اؤزل آد]ماکی شهری‏نین بیر بخشی و بوُبخش‘ین مرکزیدیر، شهرین جمعیتی ش1375ده 13000 نفر ایدی، بو یئر ماکی‏نین 32ک¬گ¬ب طرفینده یئر آلیبدیر، قرئینی نین اؤنملی تاریخی یئرلریندن چالدیران ساواشیندا اؤلنلرینین قبرستانیدیر، بوُ بؤلگه¬یه قوْندارما آد اوْلاراق سیه¬چشمه و بعضاً چالدیران¬دادئییلیر حالبوکی چالدیران، سؤیله¬نن قبرستانین یاخینینداکی بالاجا یئرین آدیدیر {دیواندا اینی/ائینی سؤزو کیچیک قارداش معناسیندا گلیبدیر، بورادا قارا سؤزو محتشم وسایقین مفهوموندادیر و قاراائینی سؤزو «سایقین کیچیک قارداش» معناسیندادیر، بو کلمه¬نی قره¬عینی کیمی یازماق یانلیشدیر و دوٌزگون شکلی هم کؤک و هم سؤیله نیش جهتیندن قرئینی ویا قارئینی اوْلمالیدیر، بوُ کلمه نین کؤکونده (قاراائینی/قره¬ائینی) ایکی¬سسسیز حرف یان¬یانا دوٌشدوگو اوٌچون قورال اوْلاراق بیری حذف اوْلوب و قرئینی شکلینه گلیبدیر}